Contacte
Denóncia per incompliment dera normative de proteccion de donades
Quinsevolh hèt que pogue constituïr ua infraccion en matèria de proteccion de donades se pòt denonciar deuant dera Autoritat Catalana de Proteccion de Donades (APDCAT). Es diferenti tipes d’infraccions se definissen ara normativa de proteccion de donades.
Es denóncies s’an de presentar per escrit, adreçades ara APDCAT, e an d’èster correctaments signades (pòt servir de modèl eth formulari de denóncia que se facilite a trauès dera web dera APDCAT).
Era denóncia a d’includir un relat des hèts que se considèren constitutius d’infraccion, era data ena que s’an cometut e era identificacion des persones o entitats presomptives responsables. Atau madeish, ei recomanable acompanhar era denóncia de pròves o indicis der incompliment. Quan es hèts denonciadi s’atribuisquen a ua persona o entitat includida laguens der encastre d’accion dera APDCAT, er Airau d’Inspeccion e Tecnica daurirà ua fasa d’investigacion entà determinar s'es hèts son susceptibles d’incoacion d’un procediment sancionador e, s'ei atau, tramitarà eth procediment sancionador corresponent. Se, per contra, pendent era fasa d’investigacion se concludís que non i a indicis d’infraccion, era denóncia s’archivarà. En quinsevol cas, eth resultat des accions d’inspeccion se comunicarà ara persona qu’a denonciat.
Quan es hèts denonciadi s’atribuisquen a ua persona o entitat que non ei includida laguens der encastre d’accion dera APDCAT, era denóncia s’enviarà ara Agéncia Espanhòla de Proteccion de Donades (AEPD e se’n comunicarà eth traslat ara persona qu’a denonciat. Entà obtier informacion sus era tramitacion des denóncies enviades ara AEPD, es persones qu’an denonciat s’an d’adreçar dirèctament ad aguesta entitat (www.aepd.es).
Er escrit de denóncia e era documentacion junhuda se pòt presentar a trauès des canaus que s’indiquen mès enjós.
Qui lo pòt iniciar
Quinsevolh persona fisica o juridica.
Canaus de tramitacion
- Pera sedença electronica dera Autoritat, damb signatura electronica. Es subjèctes previsti en art. 14.2 dera Lei 39/2015 son obligadi a restacar-sea trauès de mejans electronics damb es administracions publiques.
- Per corrèu postau, damb signatura manuscrita, adreçat ara sedença dera APDCAT.
- Presenciaument, damb signatura manuscrita, ath Registre d'entrada de documents dera APDCAT; ath Registre d'entrada de quinsevolh organisme que sigue dera Administracion dera Generalitat de Catalunya o der Estat; o en un burèu de corrèus.
Prètz
Sense còst
Documentacion a aportar
- Era denóncia s’a de formalizar mejançant un escrit rasonat qu’a d’èster signat.
- Amassa damb era denóncia, ei convenient aportar era documentacion dera que se dispòse entà acreditar es hèts denonciadi.
Documents restacadi