Exercici deth dret d'accès

Exercici deth dret d'accès

Era persona interessada a dret a saber s'era persona responsable deth tractament tracte es sues donades personaus. Eth cas afirmatiu, era persona responsable l’a d’informar sus çò que seguís:

-     Es finalitats deth tractament, es categories de donades personaus que se tracten e es destinataris o es categories de destinataris as quaus s’an comunicat o se comunicaràn es donades.

-     Eth tèrme previst de conservacion des donades personaus o es critèris utilizadi entà  determina’c.

-     Eth dret a sollicitar ara persona responsable deth tractament era rectificacion o supression des donades, era limitacion deth tractament o era oposicion a que se tracten.

-     Eth dret a presentar ua reclamacion deuant dera autoritat de contròle competent.

-     Conéisher era origina des donades, quan non s’an obtengut dera persona interessada.

-     Era existéncia de decisions automatizades, includida era elaboracion de perfius, era logica aplicada e es conseqüéncies d’aguest tractament.

-     En cas de transferéncies internacionaus de donades, es garantides avientes que s’aufrissen.

Era persona interessada a dret a obtier ua còpia gratuïta des donades objècte deth tractament. Entà còpies posteriores, se pòt establir un canon segontes es còsti administratius. Era persona interessada a dret a escuélher eth mejan entà arrecéber era responsa o era informacion sollicitada. S'era sollicitud se realize per mejans electronics, era responsa e era informacion se pòt facilitar a trauès d’aguest mejan, a non èster qu'era persona afectada n'escuelhe un aute.

Qui lo pòt demanar

Aguest dret ei personalíssim e l’a d’exercir era madeisha persona interessada o un tresau per representacion, deuant era persona responsable deth tractament.

Canaus de comunicacion

Era persona interessada pòt presentar era sollicitud d’exercici deth dret mejançant:

-     e-TRAM: ena sedença electronica, a trauès deth tramit "Exercici de drets enes tractaments de donades realizades pera APDCAT”.

-     Presenciaument: ei de besonh utilizar era version imprimibla, ramplir-la e presentar-la damb signatura manuscrita ath Registre d’entrada de documents dera APDCAT (Gran Via de les Corts Catalanes, 635, 1a planta, 08010 Barcelona, de deluns a diuendres, de 9.00 a 14.00 o), o per quinsevolh des auti mejans as que se referís er art. 16.4 dera Lei 30/2015, der 1 d’octobre, de procediment administratiu comun des administracions publiques.

-     Per corrèu postau: ei de beosnh utilizar era version imprimibla, ramplir-la damb signatura manuscrita e adreçar-la ath Gran Via de les Corts Catalanes, 635, 1a planta, 08010 Barcelona.

Documentacion a aportar

Era persona interessada pòt aportar era informacion que considère oportuna.

Tèrme de resolucion

Era peticion s’a d’atier en un tèrme maxim d’un mes, a compdar dera recepcion dera sollicitud o, s'ei eth cas, a compdar deth dia que s'agen esmendat es errors dera sollicitud. Aguest tèrme se pòt prorrogar dus mesi mès, en tot tier en compde era complexitat e eth nombre de sollicituds.

S'era sollicitud d’exercici deth dret non s’aten en tèrme indicat o se denègue, era persona interessada pòt interpausar ua reclamacion ara Autoritat Catalana de Proteccion de Donades entà iniciar eth procediment de tutolatge des drets, d’acòrd damb er art. 16 dera Lei 32/2010, der 1 d’octobre, dera Autoritat Catalana de Proteccion de Donades.

Prètz

Sense còst entara persona interessada.