Contacte
Es entitats includides laguens der encastre d’accion dera APDCAT qu’an de nomentar un delegat de proteccion de donades, d’acòrd damb eth LOPDGDD (art. 34) e eth RGPD (art. 37), an de comunicar aguesta designacion ara APDCAT. Tanben an de comunicar ara APDCAT quinsevolh modificacion enes donades deth DPD (includit eth nau nomentament) o dera entitat.
Es formularis de nauta, modificacion e baisha s’an de descargar e, un còp ramplidi e signadi electronicament, s’an de tramitar peth mejan corresponent (EACAT, e-TRAM o en papèr).
Qui lo pòt demanar
Era persona responsable o a cargue deth tractament a de sollicitar era nauta, modificacion o baisha deth sòn delegat de proteccion de donades.
Canaus de comunicacion
Es subjèctes obligadi a restacar-se damb es administracions publiques a trauès de mejans electronics an de hèr era comunicacion/notificacion pera sedença electronica dera Autoritat, mejançant:
- EACAT
- e-TRAM: tramit "Presentacion d'escrits dirigidi ara Autoritat Catalana de Proteccion de Donades"
Es subjèctes que non son obligadi a restacar-se electronicament damb es administracions publiques pòden presenta'c presenciaument, damb signatura manuscrita, en Registre d'entrada de documents dera APDCAT (Gran Via de les Corts Catalanes, 635, 1a planta, 08010 Barcelona, de deluns a diuendres, de 9.00 a 14.00 o), o per quinsevolh des auti mejans a que se referís er article 16.4 dera Lei 30/2015, der 1 d’octobre, de procediment administratiu comun des administracions publiques.
Documentacion a aportar
Era persona interessada pòt aportar era informacion que considère oportuna.
Tèrme de resolucion e sens deth silenci
Tèrme de resolucion: 3 mesi (a non èster que s’age requerit esmena).
Sens deth silenci: estimatòri.
Prètz
Sense còst entara persona interessada.