Avis legal

Era Autoritat Catalana de Proteccion de Donades a era sua sedença en Gran Via de les Corts Catalanes, 635, 1a planta, 08010 Barcelona (tel. 93 552 78 00 e fax 93 552 78 30).

Era Autoritat Catalana de Proteccion de Donades a era adreça electronica http://apdcat.cat, sens perjudici que puntuaument o de manèra permanenta i pogue auer d’autes adreces que tanben permeten accedir as contenguts e servicis rendudi mejançant eth lòc web dera Autoritat.

Era Autoritat Catalana de Proteccion de Donades, en encastre de çò que preve er Estatut d’autonomia de Catalonha (articles 31 e 156), a ua seria de foncions que se concretizen ena Lei 32/2010, der 1 d’octobre, dera Autoritat Catalana de Proteccion de Donades. Aguest lòc web includís diferenti contenguts relatius ara proteccion de donades de caractèr personau e relacionadi damb es encastres d’accion e es foncions dera Autoritat.

Era finalitat deth lòc web dera Autoritat consistís a hèr mès propèr ara ciutadanetat eth dret ara proteccion de donades de caractèr personau e a fomentar er accès des entitats que hèn part der encastre de competéncia dera Autoritat e, en generau, des persones interessades a informacion diuèrsa sus aguest dret.

Entà acomplir aguesta finalitat, includís informacion sus normativa, publicacions, dictamens, atau coma era memòria annau dera Autoritat, informacion d’actualitat e sus activitats formatives a on participe era Autoritat, entre autes qüestions.

Es informacions e es contenguts relacionadi damb era accion e es foncions dera Autoritat, que s’includissen en web, son subjèctes as previsions següentes.

Es contenguts e elements grafics que hèn part deth lòc web apdcat.cat son de titolaritat exclusiva dera Autoritat Catalana de Proteccion de Donades o de tresaus persones fisiques o juridiques que n’an autorizat er usatge ara Autoritat. Es contenguts deth lòc web son objècte de proprietat intellectuau, damb es excepcions previstes en article 13 deth Reiau decrèt legislatiu 1/1996, de 12 d’abriu, peth quau s’apròve eth tèxte rehonut dera Lei de proprietat intellectuau. Alavetz, quinsevolh usatge o reproduccion qu’es persones usatgères hèsquen d’aguesti contenguts, o d’auti que se poguen includir en futur, s’an de hèr en tot seguir es previsions e en tot respectar es limitacions dera normativa mencionada.

Era Autoritat explicite ua resèrva de drets damb caractèr generau per rapòrt deth corròp des contenguts difonudi en lòc web que son objècte de proprietat intellectuau.

S’admet er usatge personau e privat des contenguts d’aguest lòc web, que resulte avient e ajustat ara finalitat deth lòc, concretizada en apartat anterior d’aguest avís legau. Maugrat açò, en certans casi era Autoritat pòt indicar de manèra explicita qu’ei de besonh sollicitar ua autorizacion exprèssa. En aguesti casi, era sollicitacion corresponenta s’a de manar per escrit a:

Autoritat Catalana de Proteccion de Donades

Gran Via de les Corts Catalanes, 635, 1a planta,

08010 Barcelona

apdcat@gencat.cat

Non s’autorize en cap cas:

• Era presentacion d’ua pagina deth lòc web en ua hièstra que non aperten ara Autoritat per mejan de framing.
• Era insercion d’ua imatge difonuda en lòc web en ua pagina que non ei dera Autoritat mejançant in line linking.
• Era extraccion d’elements deth lòc web que cause perjudici ara Autoritat en conformitat damb es disposicions en vigor.
• Er usatge comerciau des contenguts deth lòc web dera Autoritat.
• Er usatge de mèrques o signes distintius, lògos e en generau simbòls distintius de quinsevolha natura, proprietat dera Autoritat Catalana de Proteccion de Donades, sense era coneishença e era autorizacion corresponenta d’aguesta.

Era Autoritat se resèrve eth dret de sollicitar es accions, es procediments e es mesures de precaucion procedentes, previsti ena legislacion de proprietat intellectuau, en çò que tanh ara comission d’infraccions ara normativa sus proprietat intellectuau, per part des usatgèrs. Es infraccions que se cometen damb motiu dera utilizacion fraudulosa dera informacion e des contenguts deth lòc web dera Autoritat Catalana de Proteccion de Donades, pòden comportar es sancions legaument previstes, en especiau, en Còdi penau (articles 270 e següenti).

En aplicacion de çò que dispause era legislacion en vigor, en concrèt, era Lei 40/2015, d’1 d’octobre, de regim juridic deth sector public e era Lei 29/2010, de 3 d’agost, des mejans electronics en sector public de Catalonha, era Autoritat trabalhe entà qu’es informacions, es contenguts e es servicis aufridi o difonudi en sòn lòc web acomplisquen de manèra sufisenta era necessària integritat, veracitat, actualizacion, accessibilitat e usabilitat d’aguesta informacion, d’aguesti contenguts e d’aguesti servicis. Ad aguest efècte, cau tier en compde per rapòrt de cadun des contenguts era data d’actualizacion qu’en cada cas s’indique.

En aguest sens era Autoritat se resèrve eth dret de modificar es contenguts deth web e d’eliminar-les, atau coma tanben de limitar o empedir er accès ja sigue temporaument o definitivament, sense notificacion prealabla, damb era tòca d’acomplir era normativa mencionada.

Era informacion que se pòt aufrir a trauès d’aguest lòc web non substituís en cap cas era publicitat des leis, es disposicions generaus e es actes qu’an d’èster publicadi o difonudi en jornaus o bulletins oficiaus. Es edicions estampades o publicacions electroniques des diaris e bulletins oficiaus son es uniques qu’an caractèr oficiau e autentic.

Era Autoritat non se hè responsabla dera informacion o des contenguts d’autes pagines web tàs quaus remet o damb es quaus ligue eth portau dera Autoritat. Totun, cossent damb çò que dispause era Recomanacion 1/2008 dera Autoritat sus era difusion d’informacion que contengue donades de caractèr personau a trauès d’internet.

Era APDCAT utilize hilats sociaus, coma Twitter, entà informar sus eth dret ara proteccion de donades personaus e hèr difusion per rapòrt des accions e activitats que desvolòpe en encastre des sues competéncies.

Era preséncia d’icònes en web dera APDCAT que permeten compartir informacions enes hilats sociaus non compòrte un tractament de galetes. Er usatge d’aguesti servicis compòrte era redireccion dera persona usatgèra ath web deth hilat sociau corresponent. Era politica de privacitat e er usatge de galetes en cadun d’aguesti servicis correspon ath hilat sociau que les rend.

Cau liéger atentament es politiques de Proteccion de donades d’aguesti hilats sociaus abans d’utilizar-les.