Comunicacion de transferéncies internacionaus de donades

Comunicacion de transferéncies internacionaus basades es interèssi legítims imperiosi

En encastre deth RGPD, era persona responsable deth tractament a de comunicar ara Autoritat Catalana de Proteccion de Donades es transferéncies internacionaus de donades qu’amie a tèrme basades enes interèssi legitims imperiosi perseguidi pera persona responsable deth tractament, d’acòrd damb çò qu’establís eth paragraf dusau der article 49.1 de l’RGPD.

Aguestes transferéncies non pòden èster repetitives, sonque pòden afectar un nombre limitat de persones interessades e an d’anar precedides d’ua avaloracion de totes es circonstàncies concurrentes, dera quau ne resulte que non an de prevaler es interèssi, drets e libertats des persones afectades e que s’aufrissen garantides avientes entara proteccion des donades personaus.

D’autes comunicacions de transferéncies internacionaus

En encastre dera Lei organica 7/2021, deth 26 de mai, tanben cau comunicar ara Autoritat Catalana de Proteccion de Donades es transferéncies internacionaus de donades enes casi següents:

• Quan era persona responsable deth tractament a avalorat es circonstàncies que concorren ena transferéncia e a concludit que i a garantides avientes entara proteccion des donades personaus (art. 45.2).
• Quan se hèn transferéncies internacionaus de donades a destinataris que non siguen autoritats competentes, establidi es estats que non siguen membres dera Union Europèa, e se complisquen es condicions previstes en article 47.1 dera Lei organica (art. 47.2).

Procediment de comunicacion

Era sollicitud s’a de formalizar mejançant eth formulari de nauta. Un còp generat en format PDF e signada electronicament, era sollicitud e era documentacion adjunta se pòden enviar per e-TRAM.

Quan se tracte de subjèctes que non son obligadi a restacar-se electronicament damb es administracions publiques, tanben se pòt hèr mejançant quinsevolh des auti mejans que as que se referís er article 16.4 dera Lei 39/2015, der 1 d’octobre, de procediment administratiu comun des administracions publiques.

Qui lo pòt demanar

Era persona responsable o a cargue deth tractament qu’amie a tèrme transferéncies internacionaus de donades basades enes interèssi legitims imperiosi.

Canaus de tramitacion           

• Pera sedença electronica dera Autoritat, damb signatura electronica.
• Per corrèu postau, damb signatura manuscrita, adreçat a: Gran Via de les Corts Catalanes, 635, 1a planta, 08010 Barcelona.
• Presenciaument, damb signatura manuscrita, ath Registre d'entrada de documents deth APDCAT (Gran Via de les Corts Catalanes, 635, 1a planta, 08010 Barcelona, de deluns a diuendres, de 9.00 a 14.00 o); ath Registre d'entrada de quinsevolh organisme que sigue dera Administracion dera Generalitat de Catalunya o der Estat; o en un burèu de corrèus.

Es subjèctes previsti en article 14.2 dera Lei 39/2015 son obligadi a restacar-se damb es administracions publiques per mejans electronics.

Prètz

Sense còst entara persona interessada.

Documentacion a aportar

Era qu’era Autoritat age requerit, s’ei de besonh.