Aplicar era proteccion de donades a compdar deth dessenh e per defècte

Era proteccion de donades a compdar deth dessenh implique que, tant en moment de determinar es mejans deth tractament coma en moment deth pròpri tractament, as d’aplicar es mesures tecniques e organizatives adequades concebudes entà aplicar de manèra efectiva es principis de proteccion de donades e integrar en tractament es gerentides de besonh entà complir es requeréncies deth Reglament (per exemple, eth chifratge, era anonimizacion, etc.).

Egaument, era proteccion de donades per defècte supause aplicar es mesures tecniques e organizatives adequades entà garentir que, per defècte, solament se tracten es donades personaus de besonh entà cada finalitat especifica deth tractament. Aguesta obligacion s’aplique ara quantitat de donades personaus recuelhudes, ara portada deth tractament, ath tèrme de conservacion e ara accessibilitat des donades.