Contacte
Quan te prepausaràs iniciar un tractament de donades personaus cau amiar a tèrme ua analisi des risqui qu'aguest tractament pòt implicar entàs drets e libertats des persones fisiques. Aguesta analisi, que tostemp aurà d’èster degudament documentada, s’a de hèr en tot tier en compde:
- Er estat dera tecnica.
- Es còsti d’aplicacion.
- Era portada, eth contèxte e es finalitats deth tractament.
Un còp identificadi es risqui, calerà adoptar es mesures que minimizen era probabilitat e gravetat derivada des operacions de tractament de donades. Aguestes mesures pòden consistir, entre de d'autes, ena pseudonimizacion des donades, eth chifratge o en implementar sistèmes de verificacion.
Addicionaument, s'ès ua entitat deth sector public te cau seguir es directritzes der Esquèma Nacionau de Seguretat, en sentit d’implementar tanben es mesures de seguretat apertientes d’acòrd damb era categoria deth sistèma que correspone. Entà amiar a tèrme aguesta analisi de risc, cau utilizar ua metodologia reconeishuda internacionaument.
Ei fòrça important que documentes detalhadament es procèssi d’analisi de risqui que s’agen amiat a tèrme entà complir damb eth principi de responsabilitat proactiva.