Dret d'oposicion

As dret a opausar-te a que tracten es tues donades personaus en tres casi:

• Quan eth tractament se base en ua mission realizada en interès public o er exercici de poders publics conferidi ara entitat responsabla deth tractament des donades, o en interès legitim perseguit per aguesta o per un tresau. En aguest cas, era oposicion s’a de fondamentar en motius relacionadi damb era tua situacion personau. Era entitat responsabla deth tractament a de deishar de tractar-les, exceptat qu'acredite motius legitims imperiosi entath tractament que prevalguen sus es tòns interèssi, drets e libertats, o entara formulacion, er exercici o era defensa de reclamacions.
• Quan eth tractament a per objècte eth marketing dirècte, includida era elaboracion de perfils relacionadi damb aguest marketing.
• Quan eth tractament a finalitats estadistiques o d’investigacion scientifica o istorica e s’invòque un motiu en relacion damb era tua situacion personau.

Era reconeishença deth dret d’oposicion supause qu’era entitat que tracte es tues donades les a de deishar de tractar.