Contacte
Pòden auer-i normes damb reng de lei que limiten es drets de proteccion de donades. Açò, cada viatge que se respècte eth contengut essenciau des drets e es libertats fondamentaus e ath madeish temps sigue ua mesura de besonh e proporcionada entà sauvaguardar:
- Era seguretat der Estat e era defensa.
- Era seguretat publica.
- Era prevencion, era investigacion, era deteccion o er enjudiciament d’infraccions penaus o era execucion de sancions penaus, includida era proteccion deuant de menaces ara seguretat publica e era sua prevencion.
- Era proteccion dera independéncia judiciària e des procediments judiciaris.
- Era prevencion, era investigacion, era deteccion e er enjudiciament d’infraccions de normes deontologiques enes professions regulades.
- Ua foncion de supervision, d’inspeccion o de reglamentacion que sigue vinculada, quitament ocasionaument, damb er exercici dera autoritat.
- Era tua proteccion o es drets e es libertats des auti.
- Era execucion de demandes civius.
- Auti objectius importants d’interès public generau dera Union o d’un estat membre, en particular un interès economic o financèr important, quitament enes encastres fiscau, budgetari e monetari, ena sanitat publica e ena seguretat sociau.