Contacte
Era Autoritat Catalana de proteccion de Donades (APDCAT) ei er organisme independent que garentís eth dret ara proteccion de donades personaus en encastre deth sector public catalan e eth sector privat que realize foncions e servicis publics, includidi es collègis professionaus e es universitats publiques e privades en Catalonha.
Qué hem?
- Defenem es drets dera ciutadanetat: resolvem es denóncies e reclamacions dera ciutadanetat, quan es entitats e organizacions inacomplissen eth Reglament europèu de proteccion de donades.
- Assessoram es organizacions: facilitam informacion e recorsi as organizacions e les assessoram en compliment dera normativa de proteccion de donades. Promoiguem ua innovacion tecnologica respectuosa damb eth dret ara proteccion de donades e era privacitat.
- Promoiguem era formacion e era sensibilizacion: impulsam corsi, jornades e talhèrs. Elaboram materiaus divulgatius entà difóner es drets e es obligacions que garentissen era privacitat e eth dret ara proteccion de donades dera ciutadanetat.
- Supervisem es entitats: contrarotlem qu’es entitats deth sector public catalan complisquen era normativa de proteccion de donades, e tanben es enterpreses privades que les renden servicis, coma servicis TIC d’informatica en nívol. Tanben les assessoram entà introdusir era privacitat a compdar der inici de cada projècte.