Contacte
Era persona interessada a dret a opausar-se a que tracten es sues donades de caractèr personau per motius restacadi damb era sua situacion particulara, quan eth tractament ei de besonh entà complir ua mission realizada er interès public o en exercici de poders publics deth responsable (includís era elaboracion de perfius).
En andús casi, eth responsable a de cessar en tractament, a non èster qu'acredite motius legitims imperiosi entath tractament que prevalisquen sus es interèssi, drets e libertats dera persona interessada, o eth tractament sigue de besonh entà formular, exercir e deféner reclamacions.
Qui lo pòt demanar
Ei un dret personalíssim e l’a d’exercir era madeisha persona interessada o un tresau per representacion, deuant era persona responsable deth tractament.
Ara sollicitud, ei de besonh indicar eth motiu o es motius pes quaus era persona s'opause ath tractament des sues donades personaus, restacadi damb era sua situacion personau.
Canaus de comunicacion
Era persona interessada pòt presentar era sollicitud d’exercici deth dret mejançant:
- e-TRAM: ara sedença electronica, a trauès deth tramit "Exercici de drets enes tractaments de donades realizades per l’APDCAT”.
- Presenciaument: ei de besonh utilizar era version imprimibla, ramplir-la damb signatura manuscrita e presentar-la ath Registre d’entrada de documents dera APDCAT (Gran Via de les Corts Catalanes, 635, 1a planta, 08010 Barcelona, de deluns a diuendres, de 9.00 a 14.00 o), o per quinsevolh des auti mejans as que se referís er art. 16.4 dera Lei 30/2015, der 1 d’octobre, de procediment administratiu comun des administracions publiques.
- Per corrèu postau: ei de besonh utilizar era version imprimibla, ramplir-la damb signatura manuscrita e adreçar-la ath Gran Via de les Corts Catalanes, 635, 1a planta, 08010 Barcelona.
Documentacion a aportar
Era persona interessada a d’aportar era documentacion acreditatiua dera oposicion, s’ei de besonh.
Tèrme de resolucion
Era peticion s’a d’atier en un tèrme maxim d'un mes, a compdar dera recepcion dera sollicitud o, s'ei eth cas, a compdar deth dia que s'agen esmendat es errors dera sollicitud. Aguest tèrme se pòt prorrogar dus mesi mès, en tot tier en compde era complexitat e eth nombre de sollicituds.
S'era sollicitud d’exercici deth dret non s’aten en tèrme indicat o se denègue, era persona interessada pòt interpausar ua reclamacion ara Autoritat Catalana de Proteccion de Donades entà iniciar eth procediment de tutolatge des drets, d’acòrd damb er art. 16 dera Lei 32/2010, der 1 d’octobre, dera Autoritat Catalana de Proteccion de Donades.
Prètz
Sense còst entara persona interessada.