Contacte
Ua auta des granes nauetats der RGPD ei era incorporacion dera “amira de risc”. En aguest sens, indique qu'es mesures adreçades a garentir-ne eth compliment an de tier en compde era natura, er encastre, eth contèxte e es finalitats deth tractament, e tanben eth risc entàs drets e es libertats des persones.
D’acòrd damb aguesta amira, quauques ues des mesures qu'er RGPD establís solament s’an d’aplicar quan i aurà un naut risc entàs drets e es libertats, deth temps que de d'autes s’an de modular d’acòrd damb eth nivèu e tipe de risc que presenten es tractaments.
Alavetz, era aplicacion des mesures previstes per RGPD s’a d’adaptar as caracteristiques des organizacions. Çò que pòt èster apropriat entà ua organizacion que tracte donades de milions de persones interessades, en tractaments complèxi que impliquen informacion personau sensibla o volums importants de donades sus cada persona afectada, non ei estrictament de besonh entà ua petita entitat qu'amie a tèrme un volum limitat de tractaments de donades non sensibles. Tanben calerà que revises e actualizes es mesures quan serà de besonh.