Dret d'accès

As dret a qu'ua entitat te confirme se tracte es tues donades personaus. En cas que les tracte, as dret a accedir-i e conéisher era informacion següenta:

• Es finalitats deth tractament, es categories de donades personaus que se tracten e es destinataris o es categories de destinataris as quaus s'an comunicat o se comunicaràn es donades.

• Eth tèrme previst de conservacion des donades personaus o es critèris utilizadi entà determinar-lo.
• Eth dret a sollicitar ara entitat responsabla deth tractament era rectificacion o supression des donades, era limitacion deth tractament o eth dret a opausar-t’i.
• Eth dret a presentar ua reclamacion deuant dera autoritat de contraròtle competenta, coma era APDCAT.
• Era origina des donades, quan no les an obtengudes de tu.
• Era existéncia de decisions automatizades, includida era elaboracion de perfils, era logica aplicada e es conseqüéncies d’aguest tractament.
• En cas de transferiments internacionaus de donades, es garentides adequades que t’aufrissen. 

Ath delà, eth dret d’accès te permet obtier ua còpia gratuïta des tues donades tractades. Entà còpies posteriores, se pòt establir ua taxa segons es còsti administratius. Cau díder que te pòden negar era còpia se prejudície drets de tresaus. Se hès era sollicitacion per mejans electronics, as dret a recéber era informacion en aguest madeish format.