Contacte
As dret a qu’era entitat que tracte es tues donades les suprimisque quan se darà bèra ua des circonstàncies següentes:
- S'es tues donades personaus ja non son de besonh entara finalitat entara quau se recuelheren o son tractades d’ua auta manèra.
- Se revòques eth consentiment en quau se basaue eth tractament des donades e aguest non se fondamente en ua auta basa juridica que lo legitime.
- Se t’as opausat ath tractament en bèra ua d’aguestes dues circonstàncies:
- Eth tractament se fondamentaue en interès legitim o eth compliment d’ua mission en interès public e non prevalen auti motius entath tractament des tues donades personaus.
- Qu'es tues donades personaus siguen objècte de marketing dirècte, includida era elaboracion de perfils relacionadi damb aguest.
- S'es tues donades personaus s’an tractat illicitament.
- S'es tues donades personaus s’an de suprimir entà complir ua obligacion legau.
- S'es donades s’an obtengut en relacion damb era aufèrta de servicis dera societat dera informacion adreçada a menors (per exemple, hilats sociaus).
Era entitat que les age hètes publiques, e age era obligacion de suprimir-les, aurà d’adoptar mesures rasonables entà informar es tresaus que les siguen a tractar dera sollicitacion de supression de quinsevolh ligam as donades personaus, o quinsevolha còpia o replica.
Tanben aurà de comunicar era supression a cadun des destinataris a qui s’agen comunicat es donades, exceptat que sigue impossible o exigisque esfòrci desproporcionadi. Tanben pòdes demanar era identitat d’aguesti destinataris.
Excepcions ar exercici deth dret de supression
Aguest dret non ei illimitat e pòt èster que non sigue procedenta era supression des tues donades quan eth tractament sigue de besonh entà:
- Er exercici deth dret ara libertat d’expression e informacion.
- Eth compliment d’ua obligacion legau.
- Eth compliment d’ua mission realizada en interès public o en exercici de poders publics conferidi ara entitat responsabla deth tractament.
- Rasons d’interès public en encastre dera salut publica.
- Finalitats d’archiu en interès public o de recèrca scientifica o istorica o finalitats estadistiques, formulacion, er exercici o era defensa de reclamacions.