Contacte
As dret a qu’era entitat limite eth tractament des tues donades en aguesti supausats:
- Quan as exercit es drets de rectificacion o d’oposicion, mentre determine s’esquè atier era tua sollicitacion.
- Quan eth tractament ei illicit, hèt qu'implicarie er esfaçament des donades, mès non vòs suprimir-les.
- Quan es donades ja non son de besonh entath tractament, hèt qu'implicarie er esfaçament des donades, mès non vòs suprimir-les, pr'amor que les as de besonh entà formular, exercir o deféner reclamacions.
Mentre dure era limitacion, era entitat responsabla deth tractament solament pòt tractar-les enes casi següenti:
- Damb eth tòn consentiment.
- Entà formular, exercir o deféner reclamacions.
- Entà protegir es drets d’ua auta persona fisica o juridica.
- Per rasons d’interès public importants, dera UE o der estat membre corresponent.
Era entitat que tracte es tues donades aurà de comunicar era limitacion a cadun des destinataris a qui age comunicat es donades, exceptat que sigue impossible o exigisque esfòrci desproporcionadi. Tanben pòdes demanar era identitat d’aguesti destinataris.