Avertiment de proteccion de donades

Avertiment de proteccion de donades de caractèr personau dera Autoritat Catalana de Proteccion de Donades 

Mejançant aguest avertiment de proteccion de donades, era APDCAT vò facilitar un accès agil e rapid as principaus informacions relatives as tractaments de donades qu'amie a tèrme e as drets qu'assistissen es persones interessades, entà que poguen contrarotlar de manèra efectiva es sues donades personaus.

Responsable deth tractament

Eth responsable des tractaments efectuadi ei era Direccion dera Autoritat Catalana de proteccion de Donades, damb sedença en Gran Via de les Corts Catalanes, 635, 1r estatge, 08010 Barcelona

Tel. 93 552 78 00. Fax 93 552 78 30 apdcat@gencat.cat www.apdcat.cat

Delegat de proteccion de donades

Eth delegat de proteccion de donades ei era persona encargada de velhar entà qu’era APDCAT complisque corrèctament era normativa de proteccion de donades. Podetz contactar damb eth delegat de proteccion de donades dera APDCAT per diferentes vies:

Nòm e cognòms: Joana Marí Cardona

Adreça electronica: dpd.apdcat@gencat.cat

Adreça postau: C/ Gran Via de les Corts Catalanes, 635, 1r estatge, 08010 Barcelona

Telefon: 93 552 78 00 (de deluns a diuendres, de 10 a 14 ores)

Lista des activitats de tractament dera APDCAT

Era Autoritat amie a tèrme es activitats de tractament següentes. Podetz trobar era descripcion complèta de cadua en Inventari des activitats de tractament dera APDCAT:

1. Comunicacions e relacions institucionaus
2. Activitats de formacion
3. Gestion de Recorsi Umans
4. Gestion economica
5. Dorsièrs de tutoratge de drets, d’inspeccion e sancionadors
6. Gestion de consultes sus proteccion de donades
7. Sollicitacion d’exercici deth dret d’accès ara informacion publica
8. Sollicitacion exercici deth dret d’autodeterminacion informativa
9. Consultòri deth sector public
10. Registre de proteccion de Donades de Catalonha
11. Auditorats
12. Registre d’entrada e gessuda de documents
13. Registre de delegats de proteccion de donades
14. Autorizacions de transferiments internacionaus
15. Còdis de conducta
16. Comunicacion TID basada en interèssi legitims imperiosi
17. Consulta prealabla
18. Dictamens
19. Normes corporatives constrenhentes
20. Prèmis
21. Notificacion de violacions de seguretat
22. Projècte Menors, Internet e Tecnologies
23. Seleccion e forniment de lòcs de trabalh
24. Manament de comunicats e convocacions de premsa dera APDCAT
25. Videovigilància
26. Canau intèrn d’alèrtes
27. Comunitat d’aprendissatge "DPD en xarxa"
28. Contraròtle d’accès fisic ara sedença dera APDCAT

Com pòdes exercir es tòns drets deuant dera APDCAT?

Pòdes accedir as tues donades, sollicitar-ne era rectificacion o supression, opausar-te ath tractament e sollicitar-ne era limitacion, en tot manar era tua sollicitacion ara adreça dera APDCAT (Gran Via de les Corts Catalanes, 635, 1r estatge, 08010 Barcelona), o mejançant era sua sedença electronica. Concrètament, ac pòdes hèr en tot seguir eth ligam següent. Pòdes conéisher es tòns drets en aguest aute ligam.

Aguesta sollicitacion s’a de resòlver e notificar en tèrme d’un mes dempús dera sua recepcion, encara que non se tracten es tues donades personaus, tèrme que se pòt prorogar dus mesi mès (alavetz, enquia un maximau de tres mesi), en cas de besonh, en tot tier en compde era complexitat e eth nombre de sollicitacions. En aguest darrèr cas, era APDCAT a d’informar der alargament deth tèrme laguens deth prumèr mes.

Se considères que non auem dat ua responsa avienta ara tua sollicitacion, pòdes presentar ua reclamacion deuant d’aguesta Autoritat o exercir accions judiciàries.

Com pòdes exercir es tòns drets deuant d’autes entitats?

Pòdes exercir es tòns drets d’accès, rectificacion, oposicion, supression, portabilitat e limitacion deth tractament, e tanben pòdes non èster objècte de decisions individuaus basades unicament en tractament automatizat des tues donades, en tot manar era tua sollicitacion dirèctament ath responsable deth tractament, qu'ei era persona fisica o juridica, autoritat publica, servici o quinsevolh aute organisme que, solet o amassa damb de d'auti, determine es finalitats e es mejans deth tractament.

Se çò que vòs ei presentar ua reclamacion pr'amor qu'eth responsable deth tractament, qu'aperten laguens der encastre d’accion dera APDCAT, a denegat, en partida o totaument, era tua sollicitacion o ben era tua peticion non a agut responsa laguens deth tèrme establit pera normativa, ac pòdes hèr deuant dera APDCAT.

En cas qu'eth responsable deth tractament non apertengue ar encastre d’accion dera APDCAT, era reclamacion s’a de presentar deuant dera Agéncia Espanhòla de proteccion de Donades (AEPD).